Christophe Galtier është emëruar trajneri i ri i Paris St-Germain, pas lajmit të klubit francez për largimin e Mauricio Pochettino. Galtier ka firmosur një kontratë 2 vjeçare me parizienët, deri në vitin 2024. Tekniku francez ishte në krye të pankinës së Nice deri muajin e kaluar. Rezultatet ishin mjaft pozitive teksa klubi siguroi vendin e pestë në Ligue 1, si dhe një vend në finalen e Kupës së Francës.
Galtier është trajneri i shtatë i Paris St-Germain, që prej marrjes së klubit në dorëzim nga pronarët nga Katari. Pas zyrtarizimit të lajmit Galtier u shpreh mjaft i kënaqur për detyrën e re. Ai deklaroi për mediat:
“Jam mjaft i lumtur që po i bashkohem Paris St-Germain, do doja të falenderoj presidentin Насер Аль-Хелаифи, Luis Campos dhe klubin për besimin që patën te unë. Jam plotësisht i ndërgjegjshëm për përgjegjësitë që përfshihen në detyrën për të menaxhuar këtë skuadër të jashtëzakonshme, e cila është njëra nga më kompetitivet dhe spektakolaret në Europë.”
Galtier ishte në krye të Lille gjatë sezonit 2020-2021 ku ekipi surprizoi duke fituar kampionatin francez. Së bashku me Leonardo Jardim, ai është trajneri i vetëm që ka arritur t’i “vjedhë” titullin kampion PSG gjatë dekadës së fundit.
Маурисио Почеттино ndërkohë është larguar kështu pas vetëm 18 muajsh nën drejtimin e kampionëve të Francës. Argjentinasi i dhuroi titullin kampion parizienëve sezonin që lamë pas, por kjo nuk ishte e mjaftueshme për Al-Khelaifi. Eleminimi nga Real Madrid në fazën e 1/16 në Champions League u pa si një dështim madhor, sidomos pas afrimit të Leo Messi në ekip.
Detyra e Pochettino ishte të krijonte balancën, në një ekip të mbushur plot e përplot me yje. Por presioni për të triumfuar në Champions League dhe marrëdhënia e vështirë me tifozët ia bënë të pamundur përmbushjen e këtij objektivi, teknikut argjentinas.
